Канцэрн «Белляспаперпрам» пашырыў пералік прапанаваных інвестарам невыкарыстоўваемых аб'ектаў нерухомасці, якія знаходзяцца на тэрыторыях прадпрыемстваў.

Канцэрн «Белляспаперпрам» пашырыў пералік прапанаваных інвестарам невыкарыстоўваемых аб'ектаў нерухомасці, якія знаходзяцца на тэрыторыях прадпрыемстваў.

На продаж альбо здачу ў арэнду выстаўлена каля 60 аб'ектаў агульнай плошчай больш за 50 тыс. кв. метраў. Прадаюцца розныя аб'екты прамысловай вытворчасці (дрэваапрацоўчыя і іншыя цэха, сталярныя і рамонтна-механічныя майстэрні, розныя тыпы складоў, кацельні), а таксама адміністрацыйныя будынкі і аб'екты сацыяльнага прызначэння (офісныя будынкі, сталовыя, клубы, лазні), гаражы, стаянкі з навесамі, розныя ачышчальныя збудаванні і тэхналагічныя канструкцыі.

Аб'екты можна купіць або арандаваць для выкарыстання ў розных мэтах (арганізацыя вытворчасці, сферы паслуг і інш.).

Дадзены праект канцэрн рэалізуе сумесна з банкамі-партнёрамі. Для арганізацыі вытворчасці на прапанаваных плошчах ААТ «АСБ Беларусбанк» і ААТ «Белінвестбанк» гатовыя даць на выгадных умовах крэдыты (для развіцця малога і сярэдняга бізнесу).

Па шэрагу аб'ектаў прапановы накіраваны замежным інвестарам.

ГЛЯДЗЕЦЬ АБ'ЕКТЫ