Прадпрыемствы канцэрна «Белляспаперпрам» планамерна нарошчваюць аб'ёмы рэалізацыі новых відаў прадукцыі на спажывецкім рынку рэспублікі.

Прадпрыемствы канцэрна «Белляспаперпрам» планамерна нарошчваюць аб'ёмы рэалізацыі новых відаў прадукцыі на спажывецкім рынку рэспублікі.

Пастаўкі новай прадукцыі ўнутранага рынку рэспублікі дрэваапрацоўчыя прадпрыемствы ажыццяўляюць у рамках пагаднення канцэрна «Белляспаперпрам» і Міністэрства гандлю, асноўнай задачай якога з'яўляецца насычэнне рынку таварамі айчыннай вытворчасці, у тым ліку імпартазамяшчальнымі.

Так, за студзень-кастрычнік бягучага года прадпрыемствы канцэрна паставілі на ўнутраны рынак рэспублікі на 56,8% больш драўнянавалакністых пліт (амаль 1,3 млн. кв. м), чым за аналагічны перыяд мінулага года. На 6,4% - да 10,5 тыс. умоўных куб. м павялічаны пастаўкі драўняна-стружкавых пліт (ДСП).

Варта адзначыць, што ўпершыню на рынак паступілі звыштонкія ДСП вытворчасці ААТ «ФанДАК», якія раней у Беларусі не вырабляліся. Іх таўшчыня можа складаць ад 2,5 мм да 6 мм. Яны выкарыстоўваюцца як абліцавальны матэрыял для ўнутранага аздаблення сцен, столяў, як сценавыя панэлі, як аснова для ламініраваных падлогавых пакрыццяў, у вытворчасці мэблі і будаўніцтве.

На 14,7% больш пастаўлена мэблі. Некаторыя вытворцы павялічылі продажу мэблі ўнутры рэспублікі ў некалькі разоў. Так ААТ «Лідская мэблевая фабрыка» - у 8 разоў, ААТ «Рэчыцадрэў» - амаль удвая, ААТ «Мінскпраектмэбля» - у 1,8 разы, ААТ «Кіруючая кампанія холдынгу «Слоніммэбля» - у 1,6 разы.

Вырас попыт і на вырабы беларускай цэлюлозна-папяровай прамысловасці.